हाथे मा मेंहदी रची ,कर स्वारा सिगार।
गउरी पूजैं का चली ,सजी सनातन नार। ।
***********************
भले छह्याला मा रहा ,सत्त सनातन बीज।
आपन सत छाड़िस नहीं ,परिपाटी अस चीज। ।
************************
चुनकी मा चुकरी धरे ,भरे सतनजा भूंज।
दाऊ कै मइया चली , अगना हरछठ पूज।।
**********192********************
छुला जरिया कांस औ ,पसही महुआ फूल।
हरछठ प्रकृति अभार कै ,हिबै भाबना मूल। ।
*************************
**********193**************
भारत माता के रतन लाड़िल अटल लोलार।
जन जन के हिरदय बसें दीन्हिस देस दुलार।।
*********194*************************
अटल बिहारी देस के उज्जर एक चरित्र।
उनखे अस को देस मा भला बताबा मित्र।।
*********195**********************
भारत के नेतन निता अटल एक इसकूल।
देस देय श्रद्धांजली सादर आंखर फूल।।
*********196********************
आसव के सामन मा सजनी , भा येतू बदलाव।
तुम लगत्या हा खजुराहो अस ,औ हम देवतलाव।।
*********197*******************
धनहन मा दर्रा परा ,पाबस मरै पिआस।
दम्भी बादर कइ रहें , सामान का उपहास।।
*********198****************
ऊपर दउअय रुठि गा ,औ नीचे दरबार।
धरती पुत्र किसान कै , को अब सुनै गोहर।।
********199*****************
रुपया किलो अनाज मा ,जबसे जांगर टूट।
दिन भर ख्यालै तास उइ ,साँझ पिअयं दुइ घूंट। ।
********200************************
दिल्ली ललकारै लगी ,सुन रे बीजिंग नीच।
जो तै ब्रातासुर हये , ता हम बज्र दधीच। ।
*********201*********************
हर हर महादेव से , गूंज उचा गलबान।
ललकारिस जब इंडिया , चीनी पेल परान। ।
*********202**********************
दगा बाज ओ चाइना ,तोही दई तिलाक।
अब भारत के हद्द मा , चली न एकव धाक। ।
*********203*********************
बांसठ का भउसा नहीं , सुन ले जाहिल चीन।
अब भारत समरथ हबै , घुस के लेइ बीन। ।
कोई टिप्पणी नहीं:
एक टिप्पणी भेजें