अइसा सिस्टचार।

 अउर कहूं देखे हयन, अइसा सिस्टचार। 

गहगड्डव है आन के, कहूं पारी ही दार।।

हेमराज हंस  

अउलाद का तरसा थै

किसान बिचारा   खाद     का    तरसा   थै।
निर्बल  बपुरा  फरिआद    का   तरसा थै।।  
कोऊ जीबन  काटा रहा है  बृद्धाआश्रम मा
औ कोऊ आंसू ढारत  अउलाद का तरसा थै।। 

 

हम समाज के मिल्लस कै आसा  करी  थे। 

ता अपना हमरे ऊपर इस्तगांसा  करी थे।। 

बहुरुपियव लजाय जाय अपना का देख के 

निकहा नाटक नेरुआ  औ  तमासा करी थे। ।  

 

       

दहसत माही कलम ही

दहसत माही कलम ही, कागद करै रिपोट। 

राजनीत कब तक करी, गुंडन केर सपोट।। 

भारत रत्न प्रणव मुखर्जी

पितर पाख

पुरखन के सम्मान का पितर पाख है सार। 

जे हमका जीबन दइन उनखे प्रति आभार।। 

लालू रिसान

चक्की पीसैं के निता लालू धधे रिसान। 

ताकी जनता का मिलै ठाहर सुद्ध पिसान।। 

अम्मा

अम्मा अपने आप मा सबसे पाबन ग्रंथ। 

माता से बढि के नही कउनौ ज्ञानी पंथ।। 

यूरिया गोल!!

काहू का घंटा बजै औ काहू का ढोल। 

पै किसान के खेत से होइगै यूरिया गोल।। 

करोना

नीच चीन के पाप का, देस रहा है भोग। 

रजधानी से गाँव तक बगरा छुतिहा रोग।। 

कहां बची केसे बची, लुकी कहां ठे ओंट।

पेट धंधा से लगि रहा, हमी करोना छोटे।। 

कान्हा जनम उराव hemraj hans

रिमझिम बदरी कइ रही भींजै नगरी गाँव। 

मानो भादव कइ रहा कान्हा जनम उराव।। 

उनही सौ सौ नमन Bagheli kavita hemraj hans

उनही सौ सौ नमन जे कीन्हिन जीबन हूम। 

बंदे मातरं बोल के गें फाँसी मा झूम।। 

जिनखे माथे पूर भा आजादी का जग्ग। 

हम भारत बासी हयन उनखर रिनी कृतग्ग।। 

खजूलइयां रिमही साहित्य

खजुलइयां लइके मिला, हमरे गांव का नेम। 

द्यखतै जिव हरिआय गा,  परिपाटी का प्रेम।।