या बिकास का रेला द्याखा।
धँसा सड़क मां ठेला द्याखा।।
चालीस केर बेसाहन नरियर
सरहा निकरा भेला द्याखा। ।
मुक्तक लेबलों वाले संदेश दिखाए जा रहे हैं. सभी संदेश दिखाएं
मुक्तक लेबलों वाले संदेश दिखाए जा रहे हैं. सभी संदेश दिखाएं
मंगलवार, 7 अक्टूबर 2025
रविवार, 19 मई 2024
अहिबाती का बिधबा पेंसन,
अपरोजिक के भरे पेट, औ उनहिन निता सुपास हबै।
औ जेही अगरासन निकरै, वा निरजला उपास हबै।।
अहिबाती का बिधबा पेंसन, बाँटय कै योजना अइ अबै
काजर आंज के कहिस फलनिया देस का बड़ा बिकास हबै।।
हेमराज हंस
मंगलवार, 7 मई 2024
कनमा होइगें हुम्मी मा।।
शुक्राचार घुसें तुम्मी मा।
कनमा होइगें हुम्मी मा।।
जबसे उइं खजुराहो देखिन
ग्यान दइ रहें चुम्मी मा।।
हेमराज हंस
शनिवार, 20 अप्रैल 2024
बनाथै नाती पवार हाउस ।।
हाथे माही पकडे माउस।
पूरी दुनिया हमी देखाउस।।
मरिगा बाबा अंधियारे मा
बनाथै नाती पवार हाउस ।।
हेमराज हंस
रविवार, 17 मार्च 2024
भीड़ टंटपालिन कै पोस्टर तमीच का
भीड़ टंटपालिन कै पोस्टर तमीच का ।
छहेला का सराही की सराही बीज का। ।
अरे ! कूकूर भले वफादार हो थै
पै ओहू के जक्शन लगा थै रेबीज़ का। ।
हेमराज हंस
शनिवार, 11 नवंबर 2023
नेतन मा वात्सायन देखा
प्रगतिशील का आयन देखा।
राजनीत मा रसायन देखा।।
बेशरमी तक शरमिंदा ही
नेतन मा वात्सायन देखा।।
बुधवार, 21 दिसंबर 2022
गरीबन के दिल है
गरीबन के दिल है दल नही होय।
ओखे समिस्या का हल नही होय। ।
वा चाह ज्याखर जिन्दावाद ब्वालय
पै पीरा के ग्रन्थ तरी रहल नही होय। ।
सोमवार, 21 नवंबर 2022
गिलास अपने आप का बाल्टी बताउथें।।
उइ अपने का रास्टीय पाल्टी बताउथें।
गिलास अपने आप का बाल्टी बताउथें।।
देस भर मा उनखर जब खासा बिज मरी भै
ता उइ नकली बीज कै क्वालटी बताउथें। ।
सोमवार, 14 नवंबर 2022
राजनीत ता केबल आपन बाधा द्याखा थी
जब कबहूं द्याखा थी ता वा आधा द्याखा थी।
राजनीत ता केबल आपन बाधा द्याखा थी।।
कोऊ बइठय सिंघासन के गरू पालकी मा
जनता लहकत लोकतंत्र का कांधा द्याखा थी। ।
************************************
टेक्टर जब से आबा ता बरदा हेराय गा।
गाँव के रीढ़ का गरदा हेराय गा।।
अब चाल चेहरा चरित्र कै चरचा नहीं चलै
घिनहा पानी निकरैं का नरदा हेराय गा। ।
गाँव के रीढ़ का गरदा हेराय गा।।
अब चाल चेहरा चरित्र कै चरचा नहीं चलै
घिनहा पानी निकरैं का नरदा हेराय गा। ।
मंगलवार, 8 नवंबर 2022
असली घिउ नहीं मिलै
6 APR 2021 AT 2:28
अब बजार मा असली घिउ नहीं मिलै।
हलाहल पिअय बाला सिउ नहीं मिलय।।
खड़ी ही पिलर के माथे ऊंच भीती
पै ओखे खाले निउ नहीं मिलै ।।
रविवार, 6 नवंबर 2022
जुर्मी सरकार नहीं होय
दुइ औ दुइ सब दिन चार नहीं होय।
भ्रस्टाचार कबहूँ गभुआर नहीं होय।।
बपुरे निरदोस जब मराथें अकाल मउत
दरबारी कहाथें जुर्मी सरकार नहीं होय।।
भुंइ हमार मंदिर आय भूत का चउरा न होय।
या पुरखन कै थाती, धन्ना सेठ का कउरा न होय।।
हमहीं या धरती माता से कम नहीं
लिलारे का चन्दन आय देह का खउरा न होय । ।
रविवार, 30 अक्टूबर 2022
इंदिरा गाँधी
जे बदल दइस भुंगोल, नमन वा इंदिरा गाँधी का।
इतिहास के पल अनमोल ,नमन वा इंदिरा गाँधी का।।
बान्नाबे हजार पकिस्तानिन से , कनबुड्ढ़ी लगबाइन
जे कबौ न खाइन झोल , नमन वा इंदिरा गाँधी का। ।
गुरुवार, 20 अक्टूबर 2022
नंगई से नहीं
नंगई से नहीं बड़प्पन से नापा।
फेर तुहूं अपने सीना का छप्पन से नापा।।
य देस देखे बइठ है राजा नहुष के अच्छे दिन पै ,
वाखर मतलब या नहीं तुम बाल्मीक का बिरप्पन से नापा। ।
@ हेमराज हंस -भेड़ा मैहर
बुधवार, 19 अक्टूबर 2022
गाँधी जी अमर हें
अब अउर येसे केतू निकहा सीन चाही।
उनखर धड़कन नापै का नई मशीन चाही।।
चश्मा के मथरे अब काम न चली
उनखर चरित्त द्याखैं का अब दूरबीन चाही। ।
*********************************
गाँधी जी अमर हें गंगा के धारा अस।
देस के माटी मा जन जन के नारा अस। ।
गाँधी जी पढ़ाये जइहै सब दिन इस्कूल मा
भारत के बचपन का गिनती औ पहारा अस। ।
*******************************
हम दयन नये साल कै बधाई।
फलाने कहिन तोहइ लाज नहीं आई। ।
कुटिया के खुटिया का कलेण्डर बदला है
पै अबहूँ धरी ही टुटही चारपाई। ।
**********************************
कोऊ अमीरी से ता कोउ गरीबी से दुःखी है।
कोउ दुसमन से ता कोउ करीबी से दुःखी है। ।
या दुनिया मा सुख संच हे रे नहीं मिलै
कोउ मियाँ से ता कोउ बीबी से दुःखी है। ।
***************************************
वा भले जीभ दार है पै मकुना मउना है।
एहिन से ओखे हीसा मा अउना पउना है। ।
पड़बा है काहे दूबर य बात दिल्ली जाना थी
दुधारू लोकतंत्र के पडउना का थम्हाउना है। ।
**************************************
मंगलवार, 18 अक्टूबर 2022
नास्तिक का पुरानिक बताऊ थें
उइ बात बड़ी ठोस औ प्रमानिक बताऊ थें।
सामाजिक जहर का टानिक बताऊ थें।।
जब जब राजनीत का हांका परा थै
ता फलाने नास्तिक का पुरानिक बताऊ थें। ।
*******************************
काहू का पिसान से ता काहू का चोकर से चला थै।
काहू का एक्का से ता काहू का जोकर से चला थै।।
वा महतारी के हाथ कै रोटी भला का जानै
ज्याखर रसोई घर नोकर से चला थै। ।
रविवार, 9 अक्टूबर 2022
चाहे करैं जहां मुँह काला। ।
उनहूँ का पहिराबा माला।
काहे लागिगा जीभ मा ताला। ।
उइ ता इंद्रा के बंसज आही
चाहे करैं जहां मुँह काला। ।
**************************
उइ कइथा फ्वारैं का अमकटना ह्यारा थें।
आपन चरित्त चमकामै का घटना ह्यारा थें।।
टिकस देथें हेर हेर के खुद अपराधिन का
आपन दाग मूंदय के निता उपटना ह्यारा थें। ।
************************************
गुंडा का न मारा काल्ह नेता बन जई।
पाथर जब खिअइ ता रेता बन जई। ।
कानून बनाई वा सदन मा बइठ के
हमरे समाज का बिधि बेत्ता बन जई। ।
**********************************
शनिवार, 8 अक्टूबर 2022
लुच्चा अस लागा थें
उइ बड़े सभ्भदार हें पै गुच्चा अस लगाथें।
राम दै ! केमाच के गुच्छा अस लगाथें।।
तुलसी उखाड़ के जब बेसरम लगाइअन ता
फलाने कहा थें हमीं लुच्चा अस लागा थें। ।
बुधवार, 5 अक्टूबर 2022
राबन का फूफा बताउथें
उइ राबन का आपन फूफा बताउथें।
चलनी अस चरित्त का सूपा बताउथें।।
पाखंड के बेशर्मी कै उदारता तो देखा
कुलच्छनी सूर्पनखा का सतरूपा बताउथें। ।
मंगलवार, 27 सितंबर 2022
बाप बताउथें।
उइ भैसासुर का आपन बाप बताउथें।
दुर्गा मइया कै पूजा का परल्याप बताउथें। ।
कइसा मारी के ही मती हे शारद मैय्या ज्ञान द्या
अकिल के ओछाहिल बुद्धी कै नाप बताउथें।।
सदस्यता लें
टिप्पणियाँ (Atom)
-
बघेली दारू बन्द बिहार मा लागू कड़क अदेश। भर धांधर जो पिअय खै आबा मध्य प्रदेश। । आबा मध्य प्रदेश हियां ता खुली ही हउली। पानी कै ही ...
-
राम जू कै सजी हिबै राजधानी। मारै हिलोर सरजू का पानी। । छूटि गा इतिहासन का करखा। या सुभ सुदिन का तरसिगें पुरखा। । राम जी के...
