सिरि शम्भू काकू के पुन्न दिबस मा, हमहूं पहुंच गयन रीमा।
जिउ भर कबिता सुन्यन सुनायन बड़ संतोष मिला जी मा। ।
श्री निष्ठुर जी ,कक्का जी , औ सरस, भ्रमर, जी शांति दूत।
श्री शिवानंद, श्री सूर्यमणी , शिवपाल, कमल जी बानी पूत। ।
कैलाश तिवारी ,औ धीरेन्द्र ,सीमा रानी, क्रांति बइया ।
अबध बिहारी, राजकरण , अउ राम सुशील ,मणी भइया।।
अरुणा पाठक ,स्नेहा जी, आरती जी , हसमत रीबानी।
हेमराज भेंड़ा बाले, यश पी तीवारी कै बानी। ।
अध्यक्ष प्रभाकर चौबे जी ,श्री परिहार बिशिष्ट अतिथी ।
जे भूले बिसरें छमा करैं , संपन्न काकू कै पुन्न तिथी।।
काकू जी का सुमिरन कइ के, हम पंचे सब धन्न भयन।
कवि सम्मेलन संपन्न हंस ,सब अपने अपने घरे गयन।
हेमराज हंस----15/05/2024
कोई टिप्पणी नहीं:
एक टिप्पणी भेजें