सुमरी कै सउंज देखा गइया उतारैं लाग।
सरबार केर पानी दइया उतारैं लाग।।
मोरे रामपुर का खुरचन रसगुल्ला ताला के
मिठास कै बरबरी लइया उतारैं लाग। ।
सथरी मा सोये हें जे कथरी का ओड़ के
वा सुक्ख केर सउंज रजइया उतारैं लाग।।
जेसे सिखिस ही टिमटिमाब लइके अँजोरिय
वा सुरिज केर सउंज तरइया उतारैं लाग।।
माटी कै महक हंस हिबै लोक गीत मा
बम्बइया केर सउंज गबइया उतारैं लाग।।
हेमराज हंस
कोई टिप्पणी नहीं:
एक टिप्पणी भेजें