शौचालय बनवाबा घर मा शौचालय बनवाबा।

शौचालय बनवाबा 

शौचालय बनवाबा भाई  शौचालय बनवाबा। 

अपने घर के बड़मंशी का बहिरे न बगवाबा। । 

                                हमरी  बहिनी बिटिया बहुअय बपुरी जांय बगारे। 

                                यहैं तकै झुकमुक ब्यारा का वहै उचै भिनसारे। । 

                                घर के मरजादा का भाई अब न यतर सताबा। 

                                शौचालय बनवाबा भाई  शौचालय बनवाबा। । 

फिरंय लुकाये लोटिया बपुरी  मन मा डेरातीं आप। 

निगडउरे मा बीछी चाबै चाह खाय ले सांप। । 

सबसे जादा चउमासे मा  हो थें जिव के क्याबा। 

शौचालय बनवाबा भाई  शौचालय बनवाबा। । 

                              तजी  सउख मोबाइल कै औ भले न देखी  टीबी। 

                              शौचालय बनवाई  घर मा अपना हन बुधजीबी। । 

                              सरकारव कइ रही मदद औ कुछ अपने से लगाबा। 

                            

शौचालय बन बनवाबा भाई  शौचालय बनवाबा। । 

जब घर मा शौचालय होइ ता ही घर कै सज्जा। 

तब न खेत बगारे बागी अपने  घर कै लज्जा। । 

करा  कटौती अउर खर्च कै निर्मल घर बनवाबा। 

शौचालय बनवाबा भाई शौचालय बनवाबा। । 

                            शौचालय बनवाय घरे मा चला गंदगी पहटी। 

                           पाई साँस जब शुद्ध हबा हरहजा रोग न लहटी। । 

                          चला 'हंस 'सब जन कोऊ मिल के य संकल्प उछाबा। 

                          शौचालय बनवाबा घर मा शौचालय बनवाबा। । 

    @ हेमराज हंस -----9575287490

लगा थै पुनि के चुनाव आमै बाला है। ।

आज काल्ह बिकत खूब माली का माला है। 

'हंस 'कहा थें दार मा क़ुछ काला है। । 

उइ बड़े शील सोहबत से बोला थें 

लगा थै पुनि के चुनाव आमै बाला है। । 

हेमराज हंस 

Google Asia Pacific Blog: Bringing the Internet to more Indians – starting with 10 million rail passengers a day

Google Asia Pacific Blog: Bringing the Internet to more Indians – starting with 10 million rail passengers a day

तब जनता अपनी स्वयं प्रवक्ता होती है। ।

जब समाज में अराजकता होती है। 
तब जनता अपनी स्वयं प्रवक्ता होती है। । 
सिंघासन की बुनियादें हिलने लगती हैं 
पश्चाताप के बियावान  में सत्ता सोती है। । 
हेमराज हंस

जनता मिल्लस प्रेम के सपना देखा थी। । हेमराज हंस

मुक्तक 

जनता सब उनखर करदसना देखा थी। 

आपन खोतड़ी  उनखर गोफना देखा थी। । 

उइ नफरत के बीज भरे हें  पेटे  मा 

जनता मिल्लस प्रेम के सपना देखा थी। । 

हेमराज हंस

बघेली साहित्यbagheli sahitya हेमराज हंस : गमकै बासमती अस चाउर। ।

बघेली साहित्यbagheli sahitya हेमराज हंस : गमकै बासमती अस चाउर। ।: मुक्तक  हाँथे मेहदी पाँव महाउर।  गमकै बासमती अस चाउर। ।  ओंठे माही लगी लिपस्टिक  नैना देख भें बाउर बाउर। ।  हेमराज हंस 

गमकै बासमती अस चाउर। ।

मुक्तक 

हाँथे मेहदी पाँव महाउर। 

गमकै बासमती अस चाउर। । 

ओंठे माही लगी लिपस्टिक 

नैना देख भें बाउर बाउर। । 

हेमराज हंस  

बघेली साहित्यbagheli sahitya हेमराज हंस : हे !गनपति मोरे देश मा दालिद बचै न शेष। ।

बघेली साहित्यbagheli sahitya हेमराज हंस : हे !गनपति मोरे देश मा दालिद बचै न शेष। ।: दोहा  सुक्ख संच औ शांति का होय अब सिरी गनेश।  हे !गनपति मोरे देश मा दालिद बचै न शेष। ।  हेमराज हंस

बघेली साहित्यbagheli sahitya हेमराज हंस : लागै सुआसिन नार य हिन्दी।

बघेली साहित्यbagheli sahitya हेमराज हंस : लागै सुआसिन नार य हिन्दी।: हिन्दी  वीर कै गाँथा लगी जो रचैं औ 'जगनिक 'के आल्हा का गायगै हिन्दी।  कब्बौ बनी 'भूखन 'कै बानी त वीरन का पानी चढ़ाय गै ...

लागै सुआसिन नार य हिन्दी।

हिन्दी 

वीर कै गाँथा लगी जो रचैं औ 'जगनिक 'के आल्हा का गायगै हिन्दी। 

कब्बौ बनी 'भूखन 'कै बानी त वीरन का पानी चढ़ाय गै हिन्दी। ।

 हाथे परी 'सतसय्या 'के ता वा 'सागर मा गागर 'भराय गै हिन्दी। 

बुढ़की लगाइस 'सूर 'के सागर ता ममता मया  मा नहाय गै हिन्दी। । 

'रसखान 'के क्वामर क्वामर छन्द औ मीरा के पद काही ढार गै हिन्दी। 

भक्ति के रंग मा लागी रंगै तब भाषा लोलार पिआर भै हिन्दी। । 

बीजक साखी कबीर के व्यंग्य पाखण्डिन का फटकार गै हिन्दी।

 औ मासियानी मा तुलसी के आई ता 'मानस 'अगम दहार भै हिन्दी। । 

हिंठै लगी जब 'पंत 'के गाँव ता केत्ती लगै सुकुमार य हिन्दी। 

हरिचंद ,महावीर ,हजारी ,के त्याग से पुष्ट बनी दिढ़वार य हिन्दी। ।

निराला ,नागार्जुन ,के लेखनी मा भै पीरा कै भ्याटकमार य हिन्दी। 

रात जगी जब ''मुंशी ''के साथ ता हरिया का भै भिनसार य हिन्दी। ।

भारत माता के कण्ठ कै कण्ठी औ देस कै भाषा लोलार  हिन्दी। 

लोक कै   बोली औ  भाषा सकेल के लागै विंध्य पहार य हिन्दी। । 

छंद ,निबंध ,कहानी,औ कविता से लागै सुआसिन नार य हिन्दी। 

अपने नबऊ रस औ गण शक्ति से कीन्हिस सोरहव सिगार य हिन्दी। । 

हेमराज हंस