सांझ का सांझ सकार का सकार कहा।।

 गुरतुर का गुरतुर सखार का सखार कहा।

सांझ का सांझ सकार का सकार कहा।। 

 भले केत्तव  सजाबा  बनउक  बिझूका 

तोखार  न  बनी  वोही  धोखार   कहा। । 

हेमराज हंस 

बंदन है जयराम जी, बिन्ध्य के बानी पूत।।

 जेखे  आंखर  बने  हें,  जनता  के स्वर दूत।

बंदन  है  जयराम जी, बिन्ध्य  के बानी पूत।। 

सादर  ही  शुभ कामना बरिस गाँठ के हेत।

करत रहै लेखनी सदा सबका सजग सचेत।। 

जयराम शुक्ल जी 

  

बिना सुदिन साख कै अक्ती देखी थे।।

 हम    उनखर    भक्ती   देखी   थे। 

मेघनाद  कै  ब्रम्ह  शक्ती देखी  थे।। 

पुत्ती  पुत्ता  पुजिहैं   टोरिया उराव से 

बिना सुदिन साख कै अक्ती देखी थे।। 

हेमराज हंस  

महराणा परताप

 सुनतै जेखे नाव का, जांय मुगलिया कांप।

भारत  के  वा  बीर हैं,  महराणा  परताप।।

प्रेम काहू से ता पैपखरी कहूं अउर ही।।

या  ता अहरी आय  बखरी  कहूं  अउर  ही। 

मन तउलय के निता तखरी कहूं अउर ही। 

अब ता  कायलिव रचाये ओंठ   बागा थी 

प्रेम  काहू से  ता  पैपखरी  कहूं  अउर  ही।। 

कनमा होइगें हुम्मी मा।।

 शुक्राचार  घुसें  तुम्मी मा। 

कनमा  होइगें  हुम्मी  मा।। 

जबसे उइं खजुराहो देखिन  

ग्यान  दइ  रहें  चुम्मी  मा।।

हेमराज हंस   

बघेली साहित्य bagheli sahitya हेमराज हंस : ओही नव ठे कजरउटा है।

बघेली साहित्य bagheli sahitya हेमराज हंस : ओही नव ठे कजरउटा है।:   जेखे  आँखी  कान नही, ओही नव ठे  कजरउटा  है। जे ऊमर केर फूल हमा, वाखर खासा अदरउटा है।।  लादे साकिल  मा डब्बा वा   पानी  हेरत  बागा थै,  रजध...

ओही नव ठे कजरउटा है।

 जेखे  आँखी  कान नही, ओही नव ठे  कजरउटा  है।

जे ऊमर केर फूल हमा, वाखर खासा अदरउटा है।। 

लादे साकिल  मा डब्बा वा   पानी  हेरत  बागा थै, 

रजधानी के निता हमारे, गॉंव मा संच सुखउटा है।।

अनगँइयव से पूछब ता वा,  वाखर   हाल बता देई,

जेखे घर मा आठ खबइया कमबइया एकलउता है ।।

कहिस बुढ़ीबा हमरे बिन्ध मा, फैक्ट्री हैं  रोजगार नही ,

काल्ह  साल  भर मा बम्बई से, मोर करेजा लउटा है।।

 

बन नदिया सरकारी भुंइ मा, सबल केर है अक्तिआर

निबल  मुकदमा लादे बागै, घर मा बचा कठउता है।। 

सरस्वती के मन्दिर  मा, बरती लछमी  की  बाती हंस

नहीं समाइत एकलव्य के फीस मा ओखर अउंठा है।। 

हेमराज हंस  

धनानन्द सैलून मा, लगें बनामय बार

 भ्रस्टाचार मा डूब गा, जब मगधी दरबार।

धनानन्द  सैलून मा,  लगें  बनामय   बार।।

कहिन फलाने हम हयन, पढ़े लिखे भर पूर।

पै अब तक आई नहीं, बोलय केर सहूर।।

भारत पूजिस सब दिना,रिसी कृसी के साथ।

एक हाथे मा शास्त्र का, शस्त्र का दूजे हाथ।।

भारतीय स्वाभिमान के प्रतीक परशुराम।

 भारतीय  स्वाभिमान के प्रतीक परशुराम। 

सनातनी  समाज के  हैं  लीक  परशुराम।।

उदण्ड  शासकों .को  दंड  देने   के  लिये 

मिशाल  वीरता की  एक सीख  परशुराम।।

आताताइयों  के  लिए हैं  वे एक काल  सम

 साधु सज्जनों के लिये ठीक परशुराम।।

चारो  युग  में  पूज्यनीय    चिरंजीव हैं 

शूरता  की  मूर्ति  हैं  निर्भीक परशुराम। ।

धन्य  माता  रेणुका  जमदागनी   पिता। 

श्री विष्णु  अवतार पुंडरीक  परशुराम। । 

हेमराज हंस