चला फलानिया दारू बेंची।
नदिया खोदी बारू बेंची। ।
हरिशचन्द के देस के आह्यन
लड़िका औ मेहरारू बेंची। ।
@हेमराज हंस भेड़ा मइहर
शनिवार, 4 मार्च 2023
सोमवार, 27 फ़रवरी 2023
निरहस आय की बोली दादू
निरहस आय की बोली दादू।
या रहस्स को खोली दादू।।
काहू कै ता नींद उचि ट गय
कोउ सोबइ खाय के गोली दादू। ।
जेखे प्रेम कै फोटो लये हा
वाखर भरि गय ओली दादू। ।
कुछ दिन मा सब भूल बिसर जइ
जनता बपुरी भोली दादू। ।
अम्मा टी बी माही मरि गय
अब को मूड़ थथोली दादू। ।
हंस से मउन नहीं रहबररै
हुकुम होय ता बोली दादू। ।
@हेमराज हंस 9575287490
रविवार, 26 फ़रवरी 2023
हम भारत बासी हयन, उनखर रिनी कृतज्ञ
जय जय अमर सहीद कै, आजादी के मूल।
अपना का अर्पित करी,आंखर आंखर फूल।।
जिनखे माथे पूर भा, आजादी का जज्ञ।
हम भारत बासी हयन, उनखर रिनी कृतज्ञ।।
शनिवार, 25 फ़रवरी 2023
थइली ही उनखे निता, रइली हमरे नाम
थइली ही उनखे निता, रइली हमरे नाम।
कइसा हीसा बाँट के, दीन्ह्या हमही राम।।
चह जेखर जलसा रहै, मिलैं गरीबय थोक।
हर रइली के बाद मा, आँसू पीरा सोक। ।
गुरुवार, 23 फ़रवरी 2023
'नल तरंग 'बजाउथें बजबइया झांझ के
'नल तरंग 'बजाउथें बजबइया झांझ के।
देस भक्ति चढ़ा थी फलाने का साँझ के। ।
उनही ईमानदार कै उपाधि दीन गै
जे आँधर बरदा बेंच दइन काजर आंज के। ।
पूंछी अपना बपुरी से कि कइसा जी रही
जेही कोऊ गारी दइस होय बाँझ के। ।
अइसा ही अउलाद की कहतै नहीं बनै
महतारी बाप घर मा लुकें मारे लाज के।।
हंस य कवित्त भर से काम न चली
चरित्त का चमकाबा पहिले माँज माँज के। ।
हेमराज हंस ---
रविवार, 19 फ़रवरी 2023
मूड़ घोटाये भर से कोउ लामा नहीं
मूड़ घोटाये भर से कोउ लामा नहीं होय ।
जइसा हर गरीब सुदामा नहीं होय । ।
उनहूँ मा छबि देखा अब्दुल कलाम कै
सब कोउ आताताई ओसामा नहीं होय । ।
@हेमराज हंस भेड़ा
शनिवार, 18 फ़रवरी 2023
आधी उमिर ता गरिआमै मा चली गै
आधी उमिर ता गरिआमै मा चली गै।
औ जउन बची वा तेलिआमै मा चली गै।।
तुम उनखे जिन्दगी का तजुरबा न पूंछा
रिसाय मा चली गै भंजामै मा चली गै।।
गाँव मा जबसे होरी कै डाँड़ गड़ी ही
गोरी का कबीर सुनामै मा चली गै।।
छूला ता खूब फूला डोंगरी पहार मा
पै कनैर का गुलाब बनामै मा चली गै।।
फगुआ का मिली हंस ता अबीर लगाउब
जेही मन मा दबी बात बतामै मा चली गै।।
@हेमराज हंस भेड़ा
गुरुवार, 16 फ़रवरी 2023
अब कोउ कुआं खनाबय नहीं बोर ह्वाथै
अब कोउ कुआं खनाबय नहीं बोर ह्वाथै।
औ बोर करत बेरिया खासा शोर ह्वाथै।।
उइ पाले रहय तीतुर चमगादर औ अरुआ
आपन ता रास्ट्रीय पच्छी सुघर मोर ह्वाथै। ।
आमा फल का राजा यमै कउनव सक नहीं
पै ओहू माही थोर काहि तोर ह्वाथै। ।
एक दूसरे का उइ खुब कहैं चोट्टा
जे पकड़ जाय जाहिर वहै चोर ह्वाथै। ।
रूख मा मिठास ही हराथै पीलिया
पै ओहू मा गठान पोर-- पोर ह्वाथै। ।
"हंस" वा गरीब पै ईमानदार है
रिनिहा निता पइसा मुँहचोर ह्वाथै। ।
शुक्रवार, 10 फ़रवरी 2023
दरे रहा छाती मा क्वादव
दरे रहा छाती मा क्वादव।
घाव रही या तोहरे बादव।।
सामन मा जे आंधर भे तें
उनही जेठव लागय भादव। ।
बध घर का लहसेन्स बना है
नोटिस बांच रहे हें माधव। ।
हबय इण्डिया सूटबूट मा
औ भारत के पाँव मा कांदव। ।
लहटे हें बनरोझ खेत मा
फसल बची न आधव ध्वाधव । ।
लहटे हें रोझबा खेतन मा
हंस रात भर ताकै यादव । ।
सदस्यता लें
संदेश (Atom)
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
-
जबसे मूड़े मा कउआ बइठ है। असगुन का लये बउआ बइठ है।। पी यम अबास कै किस्त मिली ही वा खीसा मा डारे पउआ बइठ है।। होइगै येतू मंहग ...
