तुलसी के बगिया मा नकटी कहां से आय गै।
यतना पचामै कै शक्ती कहाँ से आय गै । ।
जे काल्ह तक धरम का अफीम बताउत रहें
वा कुपोषित बिचार मा भक्ती कहां से आय गै। ।
उइ कहा थें काबू मा आतंकबाद है
फउजी कै हमरे गांव मा तख्ती कहाँ से आय गै। ।
दुनिया मा पंचशील का खुब राग अलापा गा
ता खून सनी खबर कै रक्ती कहां से आय गै। ।
असमय ता दसमी केर वा परिच्छा दिहिसी
हाथे मा लगनपत्री लये अकती कहां से आय गै। ।
कबहुं आर्य द्रबिन कबौ मूल निबासी
समाज टोरय बाली बिभक्ती कहां से आय गै। ।