कमाई दबाई मा जा थी हेमराज हंस

 अब भ्रष्टाचार कै चर्चा नही चलै। 
फलाने कहा थें ओखे बिन खर्चा नही चलै। । 
भले अजल्याम कै कमाई दबाई मा जा थी 
पै ओखे बिन घर का परचा नही चलै। । 
हेमराज हंस

फियुज बलफ से अजोर का उद्घाटन हेमराज हंस 9575287490

जब जन सेवक विकास खा रहे हें। 
ता बकुला शरम के मारे सल्फास खा रहे हें।। 
फियुज बलफ से अजोर का उद्घाटन 
बिजली घर सगला प्रकाश खा रहे हें। । 
हेमराज हंस                   9575287490  

पतरी केर दुलार। हेमराज हँस

बघेली 
चाँदी कै चम्मच करै पतरी केर दुलार। 
चमचागिरी देखि के दोनिया परी उलार।। 
हेमराज हँस  

पवाईदार दिया का दुपट्टा ताना थें। ।

सब सुरिज का सराहा थें निकहा माना थें। 
पै ओखर पवाईदार दिया का दुपट्टा ताना  थें। ।
 ओरहन दये मा गिरहन कै धमकी 
दरबारी ओजोन परत मा कट्टा ताना थे। । 
हेमराज हंस  

हम गंगा लै आनित बइठ के नेबार मा। ।

चुङइलिन के भाव अबै नीक के ठंडान नही 
अभुआय लगे हें परेत पुन देबार मा। 
शहरन मा गॉवन मा घर घर दुआर मा। । 
कहिन सेंतै भागीरथ तपिस्या करिन तै 
हम गंगा लै आनित बइठ के नेबार मा। । 
हेमराज हंस

मटकी पर मटकी धरे मटकी मटकी जाय।
सागर की औकात क्या कुम्भज लिया समाय। । 

जनता का पलुहा रहें दय  दय के लहकउर। 
गोबर से घिनहा थें धरे चउक मा गउर। । 
हेमराज हंस    

आबा नियर चुनाव। ।

गुण्डा लागैं सन्त कस  बदला यतर सुभाव। 
कहिन फलाने अस लगै आबा नियर चुनाव। । 

हेमराज हंस 

बघेली साहित्यbagheli sahitya हेमराज हंस : चढ़ी ही धन्ना सेठी भाई।।

बघेली साहित्यbagheli sahitya हेमराज हंस : चढ़ी ही धन्ना सेठी भाई।।: पकडे रहा मुरेठी भाई।  चढ़ी ही धन्ना सेठी भाई। ।  आन के बहिनी बिटिया कही  उइं मारा थें सेटी भाई। ।  जो जोरई कै दबा न डरिहा  सब खा ल्या ह...

चढ़ी ही धन्ना सेठी भाई।।

पकडे रहा मुरेठी भाई। 
चढ़ी ही धन्ना सेठी भाई।। 
आन के बहिनी बिटिया कही 
उइं मारा थें सेटी भाई। । 
जो जोरई कै दबा न डरिहा 
सब खा ल्या है घेटी भाई। । 
नेता हार लगाबै ल्याखा 
को को लइ गा पेटी भाई। । 
 खूब किहिन्  मस्ती कलेज मा
आय गें एटी केटी भाई। । 
तुम सब आपन दुःख कहि डॉरय 
ओही लाग पुनेठी भाई। । 
सबै पालटी हइ दगाहिल 
को लहुरी को जेठी भाई। । 
हेमराज हँस