अबै ता चीन्हय दूर से, जाति बाद का जिंद।
फेर चुनाव के बाद मा , उनखे मोतियाबिंद।।
हेमराज हंस
शुक्रवार, 19 अप्रैल 2024
सोमवार, 15 अप्रैल 2024
मना रहे हें जनम दिन,नाती प्रिय शिरीष।
मना रहे हें जनम दिन,नाती प्रिय शिरीष।
शारद जू कै कृपा ही अपनौ देइ आशीष।।
शुक्रवार, 12 अप्रैल 2024
बचगें मानस पूत
कुंभ निकुंभ ता निपट गें, बचगें मानस पूत।
हे ! दुर्गा उनही हता, है बिनती कहनूत।।
हेमराज हंस
कहिन कि अब हमहूं करब, सुरिज के रथ कै जाँच
सगले उल्लू समिट के, दिन का कहैं कुलांच।
कहिन कि अब हमहूं करब, सुरिज के रथ कै जाँच।।
हेमराज हंस
गुरुवार, 11 अप्रैल 2024
भक्ती माही लीन है, नगर देस औ गांव
लोक पर्ब नवरातरी, सक्ति आराधन केर।
बहिनी बिटिआ चल दिहिन, पूजैं देबी खेर।।
पुजहाई टठिया लये, मन मा भरे उराव।
भक्ती माही लीन है, नगर देस औ गांव। ।
हेमराज हंस
सोमवार, 8 अप्रैल 2024
भारत का नवरात
अचरा मां ममता धरे, नयनन धरे सनेह।
माँ शारद आशीश दे,शक्ति समावे देह। ।
.
नारी के सम्मान से,सम्बत कै सुरुआत।
दुनिआ का संदेस है, भारत का नवरात। ।
हे ! माता आसीस दे हम बालक हन तोर।
सबके जीबन मा रहै, बुद्धी केर अजोर। ।
छलक परे दोउ नैन
राघव के दरसन निता, आँखी रहीं बेचैन।
जब मंदिर के पट खुलें, छलक परे दोउ नैन।।
हेमराज हंस
रविवार, 7 अप्रैल 2024
जउन बोया वा काटा भाई।
जउन बोया वा काटा भाई।
अब काहे का घाटा भाई।।
जर्जर पोथी ही चरित्त कै
वमै चढ़ा ल्या गाता भाई।।
भया सुखे दुःख ठाढ़ न कबहूं
तब काहे का नाता भाई। ।
बड़े सत्तबादी बक्ता हा
पुन थूंका पुन चाटा भाई।।
आजु हबै मुँह जउकी का जउका
काल्ह कटी पुन लाटा भाई। ।
काहु का परथन कहूं समर्थन
आपन मतलब सांटा भाई।।
ऐसी कूलर अपना का सुभ
"हँस" के है फर्राटा भाई। ।
हेमराज हँस --9575287490
जुग जलसा भा अबध मा,
जुग जलसा भा अबध मा, उइ लीन्हिन मुँह फेर ।
तबय कुसाइत आय गै, लिहिस सनीचर गेर।।
हेमराज हँस
सदस्यता लें
संदेश (Atom)
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
-
जबसे मूड़े मा कउआ बइठ है। असगुन का लये बउआ बइठ है।। पी यम अबास कै किस्त मिली ही वा खीसा मा डारे पउआ बइठ है।। होइगै येतू मंहग ...
