अपना के अपमान का घूंट बचा है।।
धूर धुँआ धुंध से गाँव खाँसा थें
मन के परदूसन का मूंठ बचा है। ।
रीमा सीधी सतना सहडोल कोल डारिन
अब फलाने कहाथें चित्रकूट बचा है।।
भुंइ का करेजा तक बेंच खा लिहिन ता
धरती के गहिर घाव चारिव खूंट बचा है।।
परियाबरन जिन्दा है हजूर के बइठक मा
बन बासी जीव केर जटा जूट बचा है।।
साम्हर सेर हिरन ता सरकस मा चलेगें
हंस नदी तीर रोबत ऊंट बचा है। ।
हेमराज हंस - भेड़ा मइहर
पूस माघ के ठाही मा गरमी कहां से आय गै।
कड़क मिजाजी मा नरमी कहां से आय गै।।
कमल के तलबा मा बेशरम के फूल,
सभ्भ घराना मा बेसरमी कहां से आय गै।।
**हेमराज हंस भेड़ा मइहर***
तुलसी के मानस कै सदा होई आरती
पै उइ न हेरे मिलिहैं कउनौ़ किताप मा।
बड़ा अमारक जाड़ है, ठठुराबय दहिजार।
साजन से सजनी कहिस, लगत्या आजु पिआर।
*******************************
आरव मिला चुनाव का, जुरय लाग सहदेब ।
राजनीत ख्यालैं लगी, मेर मेर फउरेब। ।
