राष्ट्रबाद से सुरू भा ,जाति बाद मा बंद।
केत्ते सुर बदलय परें, गामय का एक छंद।।
हेमराज हंस
बुधवार, 7 जून 2023
शनिवार, 3 जून 2023
शनिवार, 27 मई 2023
अकही पट्टीदार अस, जे राखाथै लक्ष।
अकही पट्टीदार अस, जे राखाथै लक्ष।
राजनीत माही वहै, निकहा आय बिपक्ष।।
हेमराज हंस --भेड़ा मइहर
शुक्रवार, 26 मई 2023
गदहा का मिसरी नहि पाचय
काल्ह कहिन हमसे बड़कउना।
काखे मुंह मा तइहा अउना।।
गदहा का मिसरी नहि पाचय
औ कूकुर का पचय न नेउना। ।
हेमराज हंस
गुरुवार, 18 मई 2023
उइं असीले के आंय पै बाप का पता मिला ।
उइं असीले के आंय पै बाप का पता मिला ।
खेतन मा सुनय का हता तता नहीं मिला ।।
सती कै केहानी मुंह जमानी हयीं कइयव ठे
पै इतिहास मा कहूं इकठेव सता नहीं मिला ।।
हेमराज हंस 9575287490
बुधवार, 26 अप्रैल 2023
आंसू के राज कुमार का नाव है रामनरेश।।
पीरा गावय मा कबव, करय कसर न शेष।
आंसू के राज कुमार हैं, कबिबर रामनरेश।।
जिनखे लेखन मा हबै, शब्दन कै मरजाद ।
कविता सीधे हिदय से, करै करुन संबाद।।
पयसुन्नी अस सब्द का, जे पूजय दिनरात।
कबिता उनखे निता ही, जीबन कै जरजात।।
गीत ग़ज़ल कै आरती , दोहा कविता छंद।
आंखर आंखर आचमन, अंतस का आनंद।।
शब्द ब्रह्म का रुप है, वर्ण धरै जब भेष।
मइहर मा एक संत हैं, पंडित रामनरेश।।
लगय कटाये घाट अस, सब्दन का लालित्य।
मैहर मा चमकत रहैं, राम नरेश आदित्य।।
मंगलवार, 25 अप्रैल 2023
कायरता पाखंड से, देस भा जब कमजोर।
कायरता पाखंड से, देस भा जब कमजोर।
तब केरल मा प्रगट भें, शङ्कर सुरिज अजोर।।
आदि शंकराचार्य का , शत शत नमन हमार।
हम भारत बासी करी ,अपना कै जयकार।।
सोमवार, 24 अप्रैल 2023
उनखे दिया मा बाती का पहला नहीं मिला।
उनखे दिया मा बाती का पहला नहीं मिला।
नहला के ऊपर मारैं का दहला नहीं मिला।।
जे लथिरे हें खुद टिहुनी भर ब्वादा मा
ओऊं कहा थें देखैं का चहला नहीं मिला।।
हेमराज हंस
कुच्छ न पूंछा हाल तिवारी।
आयुष्मान का कार्ड धरा है हमरे खीसा मा।
पै ओसे जादा है भरोसा हनुमान चालीसा मा।।
अस्पताल का हाल न पूछा वहै बेजार ही आज।
न डाग्दर बिस्तर न दवाई कइसा होय इलाज।।
हुआं गये पुन खबरै लउटी लये गठरिया ढीसा।
वा गरीब कै अलहिन आ ही जेखर छूछ है खीसा। ।
चरमरान ही पूर ब्यबस्था जीबन रेखा कै सरकारी।
कुच्छ न पूंछा हाल तिवारी। कुच्छ न पूंछा हाल तिवारी।।
हेमराज हंस भेड़ा मइहर
मंगलवार, 18 अप्रैल 2023
कुछ जन मुंह ओरमा लइन,
कुछ जन मुंह ओरमा लइन,कुछ जन करैं उराव।
ठाँव ठाँव देखय मिली , एक घटना दुइ भाव।।
ठाँव ठाँव देखय मिली , एक घटना दुइ भाव।।
जरासंघ जब मरा ता, खूब भै जय जय कार।
पै ओखर हितुआ लगें, रोबैं डिडड पुकार।।
पै ओखर हितुआ लगें, रोबैं डिडड पुकार।।
सदस्यता लें
संदेश (Atom)
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
-
जबसे मूड़े मा कउआ बइठ है। असगुन का लये बउआ बइठ है।। पी यम अबास कै किस्त मिली ही वा खीसा मा डारे पउआ बइठ है।। होइगै येतू मंहग ...
