शुक्रवार, 23 सितंबर 2022
गुरुवार, 22 सितंबर 2022
बुधवार, 21 सितंबर 2022
चीता आबा देस मा
चीता आबा देस मा सीगट भा नाराज। कहिस कि अब कइसा बनब जंगल का महराज। ।
सीगट कै ही चाहना रहै जंगली शान। बन का राजा जब रहै सीगट लोखरी श्वान। ।
जंगल मा साहुत बनी ,सीगट लोखरी केर।
देख देख बिदुरा थै ,बन का राजा शेर।।
गुरुवार, 15 सितंबर 2022
bagheli kavita
दरी से पूंछा थें।
कुर्सी के सबाल उइ दरी से पूंछा थें।
गरु गंभीर बात मसखरी से पूंछा थें। ।
तेल कोल्हू पी गा कि पहार मा चुपरा गा
उइ पशु आहार के खरी से पूंछा थें। ।
मंगलवार, 13 सितंबर 2022
बाउर पइदा होंय
उइ चाहा थें देस मा बाउर पइदा होंय।
औ हमरे नेरे जनाउर पइदा होंय।।
एक बूंद पानी न बरखै खेत मा
अउ धान नहीं सीधे चाउर पइदा होय। ।
साहित्त फुर कहा थै
साहित्त फुर कहा थै लबरी नही कहै।
अपना के सत्ता अस जबरी नही कहै। ।
साहित्त के नस मा दुष्यंत केर मस है ,
साहित्त खउटही का कबरी नहीं कहै। ।
''राम'' के दरबार तक वाखर धाक ही ,
पै कबहू अपने मुंह से ''शबरी''नही कहै। ।
उई घायल से पूंछा थें कि कइसा लगा थै
अस्पताल पहुचामै का खबरी नहीं कहै। ।
रूपियन के निता कबहू कविता नही लिखै
हंस काही कोउ दुइ नम्बरी नहीं कहै। ।
हेमराज हंस --9575287490
जियसटी ही दादू
कबाड़ी लइगा
सदस्यता लें
संदेश (Atom)
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
-
जबसे मूड़े मा कउआ बइठ है। असगुन का लये बउआ बइठ है।। पी यम अबास कै किस्त मिली ही वा खीसा मा डारे पउआ बइठ है।। होइगै येतू मंहग ...
