भारत का जब सफल भा,चन्द्रयान अभियान।
पूर बिश्व बोलैं लगा, जय भारत प्रज्ञान।।
भारत का रुतबा बढ़ा, वा पल है अनमोल।
गदगद भारत बंस है, बंदेमातरम बोल।।
मंगलवार, 29 अगस्त 2023
बुधवार, 5 जुलाई 2023
रविवार, 18 जून 2023
जाति बाद के मथरे परंगत नहीं परै।
जाति बाद के मथरे परंगत नहीं परै।
राबन के बहकाये मा अंगद नहीं परै।।
चाह जउन जात केर होय धन्नासेठ
पै गरीब के साथ वाखर पंगत नहीं परै।।
हेमराज हंस
सब दिनहुं पेड़ माही पत्ता नहीं रहै।
सब दिनहुं पेड़ माही पत्ता नहीं रहै।
बसंत केर सब दिना सत्ता नहीं रहै।।
कोउ दिन मा चार बेर ओन्हा बदला थै
काहू के देह माही लत्ता नहीं रहै। ।
तास के खेलइया हारा थें जीता थें
हर चाली माही टम्प का पत्ता नहीं रहै। ।
चेरउरी कइ के आपन सम्मान करामैं
सब कोउ उनखे नाई ललत्ता नहीं रहै। ।
शनिवार, 10 जून 2023
उइ दल के बड़े बफादार हें , पै प्रत्याशी जात का चाही।
उइ दल के बड़े बफादार हें , पै प्रत्याशी जात का चाही।
टिकस मिलै भाई भतीज का ,या की अपने नात का चाही।।
जे दरबारी भितरघात मा सरासरीहन पकड़े गें तें
तउअव उनही पुरुस्कार अउर बिक्ख सुकरात का चाही।।
हेमराज हंसमनो रोग के बैद से, कर बाई उपचार ।
मनो रोग के बैद से, कर बाई उपचार ।
उमिर भै अस्सी पार तउ, रोगी हमैं बिचार।।
कर बाई उपचार, दृष्टि मा दोख है दददा।
चीकन चांदन राह, लगै अपना का खडडा।।
बलिहारी या समय का कइसा हबय कुजोग।
जे हमार सम्माननीय ,ग्रस्त हें मन के रोग। ।
बुधवार, 7 जून 2023
जाति बाद मा बंद
राष्ट्रबाद से सुरू भा ,जाति बाद मा बंद।
केत्ते सुर बदलय परें, गामय का एक छंद।।
हेमराज हंस
शनिवार, 3 जून 2023
सदस्यता लें
संदेश (Atom)
-
मैहर जिला ---------------------------------- मइहर जिला शारद नगरी। जेखर कीरती जग बगरी।। पहिलय पूजा करै नित आल्हा। रोज चढ़ाबै ...
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
