तब धरती बन के गऊ

 बढ़य लाग जब धरा मा, अधरम अत्याचार।

तब धरती बन के गऊ, प्रभु कै करिस पुकार।।
हेमराज हंस

जाति बाद के मथरे परंगत नहीं परै।

 जाति   बाद  के  मथरे   परंगत  नहीं  परै। 

राबन  के  बहकाये   मा  अंगद  नहीं परै।। 

चाह   जउन   जात   के  होंय   नेता    जी  

पै गरीबन  के साथ उनखर  पंगत नहीं परै।।

हेमराज हंस 

केबल हबै चुनाव तक, जातिबाद का ढोंग

 केबल  हबै  चुनाव तक, जातिबाद का ढोंग। 

जनता ही उनखे निता , चेचर अउर चिपोंग।।  

अपने   छाती   हाथ  धर,  खुदै   करा  महसूस। 

को ठीहा मा बइठ के, लिहिस न जात से  घूंस।। 

हेमराज हंस

सूरज नेता बिस्व का, सबका दे उजिआर।

 सूरज नेता बिस्व का, सबका दे उजिआर।

पै उल्लू  गरिआ रहें, उनही  रात  पिआर।।  

हेमराज हंस 

बनाथै नाती पवार हाउस ।।

 हाथे माही पकडे माउस। 

पूरी दुनिया हमी देखाउस।।  

मरिगा बाबा अंधियारे मा 

बनाथै नाती पवार हाउस ।।  

हेमराज हंस 

राहू से केतू कहिन, हम पंचे सब एक।

राहू  से   केतू   कहिन,  हम  पंचे   सब      एक। 

चला चली मिल के कारी, खुद आपन अभिषेक।। 

हेमराज हंस   

उनखे मोतियाबिंद।।

 अबै ता  चीन्हय दूर  से, जाति बाद का जिंद। 

फेर चुनाव के बाद मा , उनखे  मोतियाबिंद।। 

हेमराज हंस  

मना रहे हें जनम दिन,नाती प्रिय शिरीष।

मना रहे हें जनम दिन,नाती  प्रिय शिरीष। 

शारद जू कै कृपा ही अपनौ देइ आशीष।। 

 

बचगें मानस पूत

 कुंभ निकुंभ ता निपट गें, बचगें मानस पूत। 

हे ! दुर्गा  उनही  हता,  है  बिनती  कहनूत।। 

हेमराज हंस  

कहिन कि अब हमहूं करब, सुरिज के रथ कै जाँच

सगले   उल्लू   समिट  के,  दिन   का  कहैं  कुलांच।

कहिन कि अब हमहूं  करब, सुरिज के रथ कै जाँच।। 

हेमराज हंस