देस के कूकुर तक सबा सेर होइगें।
जमाल घोटा तक हर्र बहेर होइगें । ।
उनखर हिआव औ उसासी ता देखा
गरीब खिआय गा धन्नासेठ कुबेर होइगें। ।
मंगलवार, 24 जनवरी 2023
शुक्रवार, 20 जनवरी 2023
बेसरमी कहां से आय गै
पूस माघ के ठाही मा गरमी कहां से आय गै।
कड़क मिजाजी मा नरमी कहां से आय गै।।
कमल के तलबा मा बेशरम के फूल,
सभ्भ घराना मा बेसरमी कहां से आय गै।।
**हेमराज हंस भेड़ा मइहर***
कोनइता हेरा थें
कोउ दहिना कोउ बइता हेरा थें।
चचरी मचामै का रइता हेरा थें। ।
उनखर सोच बड़ी प्रगत शील ही
धानमिल के जुग मा कोनइता हेरा थें। ।
मंगलवार, 17 जनवरी 2023
उइ न हेरे मिलब कउनौ़ किताप मा
राजनीत चढाथी जब जब पाप मा।
तब नेतागीरी सेराथी सिताप मा।।
तुलसी के मानस कै सदा होई आरती
पै उइ न हेरे मिलिहैं कउनौ़ किताप मा।
तसल्ली नहीं मिली
तसला ता मिला खूब तसल्ली नहीं मिली।
हमरे खिआन पनही का तल्ली नहीं मिली।।
कउड़ा ताप ताप के गुजारी रात हम
जाड़े मा कबौं ओड़य का पल्ली नहीं मिली। ।
रक्छा के इंतजाम केर दाबा बहुत हें
घर से जो निकरी बपुरी ता लल्ली नहीं मिली। ।
वा नामी धन्ना सेठ है धरमात्मा बहुत
पै दुआरे मा गरीब का रुपल्ली नहीं मिली।।
रिकॉड मा गुदाम लबालब्ब भरी हय हंस
जब जांच भै त एकठे छल्ली नहीं मिली।।
शुक्रवार, 13 जनवरी 2023
बुधवार, 11 जनवरी 2023
BAGHELI KAVITA लगत्या आजु पिआर
बड़ा अमारक जाड़ है, ठठुराबय दहिजार।
साजन से सजनी कहिस, लगत्या आजु पिआर।
*******************************
आरव मिला चुनाव का, जुरय लाग सहदेब ।
राजनीत ख्यालैं लगी, मेर मेर फउरेब। ।
मंगलवार, 3 जनवरी 2023
जबसे उनखे पइरा मा कुतिया बिआन ही
जबसे उनखे पइरा मा कुतिया बिआन ही।
तब से सगली ब्यबस्था बिल्लिआन ही।।
जब से सुनिन ही डी. एन. ए. कै जाँच का
तब से उनखे जिव का बड़ी गिल्लिआन ही।।
य न पूँछा को कउन दल मा हें।
य न पूँछा को कउन दल मा हें।
सब अपने समिस्या के हल मा हें।।
जनता ता ओहिन का नेता माना थी
सुख दुःख मा जे ओखे बगल मा हें।।
शुक्रवार, 30 दिसंबर 2022
चढ़य मूँड़ घर मा मालकिन का
जात फलाने
*******************
होथी सड़क जब तात फलाने।
जराथें तरबा लात फलाने।।
को को ओखे ऊपर हींठा
वा नहि पूंछय जात फैलाने।।
करज लेत मा खूब सराहिन
देत मा टूट गा भात फलाने। ।
खूब किहिन स्वहबत अटकी मा
अब नहि पूंछय बात फलाने। ।
चढ़य मूँड़ घर मा मालकिन का
आमय जब कोउ नात फलाने। ।
वा बाप फिफियात फिरा थै
बांट दइस जरजात फलाने। ।
सबसे जबर गद्दार वा है
जे करय नून मा घात फलाने। । सचेत रहा हितुअन से हंस
जे बइठाथें दिन रात फलाने। ।
सदस्यता लें
संदेश (Atom)
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
-
जबसे मूड़े मा कउआ बइठ है। असगुन का लये बउआ बइठ है।। पी यम अबास कै किस्त मिली ही वा खीसा मा डारे पउआ बइठ है।। होइगै येतू मंहग ...
