उगे भाग्य का भास्कर लेकर नई उमंग।।
गुरुवार, 31 अक्तूबर 2019
घाव नही देखिस
जे पुरखन के पींठ का घाव नहीं देखिस।
वा लगथै पबाईदारन का गाँव नहीं देखिस।।
चुनु का संच पाइस ता अक्कास मा उड़ा थै
वा धरती से आपन उखड़त पांव नही देखिस।।
मंगलवार, 29 अक्तूबर 2019
नेता जी के नात का
चह जेही धुर देंय उंई या की कहैं कुलाँच।
नेता जी के नाव से अइ न कउनव आंच ।।
सुनिस घोसना कांपि गा थरथर बपुरा पेंट।
खीसा का बीमा करी जेबकतरा एजेंट।।
शनिवार, 26 अक्तूबर 2019
दियना कहिस अगस्त से
या उराव मा जलि रहे घर घर दीप मशाल।।
दीपदान कै लालसा तीरथ का अनुराग।
चित्रकूट कोउ जा रहा कोऊ चला प्रयाग।।
धरमराज कै फड़ सजी चलै जुंआ का खेल।
गाँव गाँव मा पहुंच गय शकुनी बाली बेल।।
रावण के भय से लुका जब से बइठ कुबेर।
तब से धनी गरीब कै अलग अलग ही खेर।।
उल्लू का खीसा भरा छूंछ हंस कै जेब।
या भोपाल कै चाल की दिल्ली का फउरेब।।
जब सागर का मथा गा कढ़ें रतन दस चार।
ओहिन मा धनवंतरी मिलें हमी उपहार।।
पिये हलाहल शिव फिरैं विश्व मा हाहाकार।
अमरित से उनखर किहिन धनवंतरी उपचार।
दुनिया भर कै औषधी रोग बिथा संताप।
धनवंतरी का सब कहैं आयुर्वेद का बाप।।
जिधिना से भ्रृगु जी हनिन श्रीहरिजू का लात।
लछिमी जू रिसिआय के चली गईं गुजरात।।
दियना कहिस अगस्त से दादा राम जोहार।
तुम पी गया समुद्र का हम पी ल्याब अंधिआर
हे लछिमी जू आइये संगे बुद्धि गणेश।
मोरे भारत देस मा दालिद बचै न शेष।।
Bagheli kavita By Hans
लछिमी का बोलायन ता जलंधर आय गा।
सुरपंखा कै नाक लये दसकंधर आय गा।।
जबसे हनीटेप माही नारद जी नपे
ता मोहनी के मोह माही बंदर आय गा।।
गुरुवार, 24 अक्तूबर 2019
सोमवार, 21 अक्तूबर 2019
370
कोउ कहा थै पाप अस मरा है।
कोउ कहा थै सांप अस मरा है।।
जिधना से तीन सै सत्तर हटी ही
उधिना से उनखर बाप अस मरा है।।
शुक्रवार, 18 अक्तूबर 2019
राजनीति का रकरा आय
पुलिस जाना थी जेबकतरा आय।
हमरे समाज का खतरा आय।।
तऊ सलामी ठोंक रही की
राजनीत का रकरा आय।।
बुधवार, 16 अक्तूबर 2019
सदस्यता लें
संदेश (Atom)
-
बघेली कविता हम सरबरिया बांम्हन आह्यन मिलब सांझ के हउली मां। मरजादा औ धरम क ब्वारब, नदिया नरबा बउली मां॥ होन मेल जोल भाईचारा कै, ...
-
जबसे मूड़े मा कउआ बइठ है। असगुन का लये बउआ बइठ है।। पी यम अबास कै किस्त मिली ही वा खीसा मा डारे पउआ बइठ है।। होइगै येतू मंहग ...
