बघेली साहित्य bagheli sahitya हेमराज हंस

शुक्रवार, 23 सितंबर 2022

बिटिआ बेदन कै ऋचा साच्छात इस्लोक।
दुइ कुल का पामन करइ अउ साथै मा कोंख।।

कोउ अमीरी से ता कोउ गरीबी से दुखी है।
कोउ दुसमन से ता कोउ करीबी से दुःखी है। ।
काहू का सुख संच हेरे नहीं मिलय
कोउ मिया से ता कोउ बीबी से दुःखी है। ।

फुन्नी ता चिकनान ही लगा है जर मा रोग।
भारत अउर बसंत का या कइसा संजोग। ।

उंई चाहाथें देस मा बाउर पइदा होंय। औ उनखे घर मा जनाउर पइदा होंय।। एक बूंद पानी न बरखै खेत मा औ सीधे धान नही चाउर पइदा होंय।।

युग नायक होते नहीं, किसी जाति में कैद। वे बीमार समाज के , हैं शुभ चिंतक बैद। । शासक जब करने लगे शोषण अत्याचार। ईश्वर को लेना पड़ा परशुराम अवतार।।

उनखर भाखा सखार अस जना थी। कऊनव करतूती तोखर अस जाना थी। । जब से हबा मा माहुर घोरिस ही राजनीती। तब से भाई चारा का बोखार अस जाना थी। । हेमराज हंस भेड़ा

कहूं कहूं बूड़ा चढा भरे खेत औ ताल। हमरे बिंध मा चल रही बदरी कै हरताल।।

न सामन कै हरिअरी न नदिअन मा धार। बइठ किसनमा मेंड़ मा गदिआ धरे कपार।।

दादू के सुख संच मा जे मानय आनंद। अम्मा अस कउनौ नहीं दुनिआ का संबंध।।

चीता आबा देस मा सीगट भा नाराज। कहिस कि अब कइसा बनब जंगल का महराज। ।

सीगट कै ही चाहना रहै जंगली शान। बन का राजा जब रहै सीगट लोखरी श्वान। ।

जंगल मा साहुत बनी ,सीगट लोखरी केर।
देख देख बिदुरा थै ,बन का राजा शेर।।