बुधवार, 5 जुलाई 2023
रविवार, 18 जून 2023
जाति बाद के मथरे परंगत नहीं परै।
जाति बाद के मथरे परंगत नहीं परै।
राबन के बहकाये मा अंगद नहीं परै।।
चाह जउन जात केर होय धन्नासेठ
पै गरीब के साथ वाखर पंगत नहीं परै।।
हेमराज हंस
सब दिनहुं पेड़ माही पत्ता नहीं रहै।
सब दिनहुं पेड़ माही पत्ता नहीं रहै।
बसंत केर सब दिना सत्ता नहीं रहै।।
कोउ दिन मा चार बेर ओन्हा बदला थै
काहू के देह माही लत्ता नहीं रहै। ।
तास के खेलइया हारा थें जीता थें
हर चाली माही टम्प का पत्ता नहीं रहै। ।
चेरउरी कइ के आपन सम्मान करामैं
सब कोउ उनखे नाई ललत्ता नहीं रहै। ।
शनिवार, 10 जून 2023
उइ दल के बड़े बफादार हें , पै प्रत्याशी जात का चाही।
उइ दल के बड़े बफादार हें , पै प्रत्याशी जात का चाही।
टिकस मिलै भाई भतीज का ,या की अपने नात का चाही।।
जे दरबारी भितरघात मा सरासरीहन पकड़े गें तें
तउअव उनही पुरुस्कार अउर बिक्ख सुकरात का चाही।।
हेमराज हंसमनो रोग के बैद से, कर बाई उपचार ।
मनो रोग के बैद से, कर बाई उपचार ।
उमिर भै अस्सी पार तउ, रोगी हमैं बिचार।।
कर बाई उपचार, दृष्टि मा दोख है दददा।
चीकन चांदन राह, लगै अपना का खडडा।।
बलिहारी या समय का कइसा हबय कुजोग।
जे हमार सम्माननीय ,ग्रस्त हें मन के रोग। ।
बुधवार, 7 जून 2023
जाति बाद मा बंद
राष्ट्रबाद से सुरू भा ,जाति बाद मा बंद।
केत्ते सुर बदलय परें, गामय का एक छंद।।
हेमराज हंस
शनिवार, 3 जून 2023
शनिवार, 27 मई 2023
अकही पट्टीदार अस, जे राखाथै लक्ष।
अकही पट्टीदार अस, जे राखाथै लक्ष।
राजनीत माही वहै, निकहा आय बिपक्ष।।
हेमराज हंस --भेड़ा मइहर
शुक्रवार, 26 मई 2023
गदहा का मिसरी नहि पाचय
काल्ह कहिन हमसे बड़कउना।
काखे मुंह मा तइहा अउना।।
गदहा का मिसरी नहि पाचय
औ कूकुर का पचय न नेउना। ।
हेमराज हंस
गुरुवार, 18 मई 2023
उइं असीले के आंय पै बाप का पता मिला ।
उइं असीले के आंय पै बाप का पता मिला ।
खेतन मा सुनय का हता तता नहीं मिला ।।
सती कै केहानी मुंह जमानी हयीं कइयव ठे
पै इतिहास मा कहूं इकठेव सता नहीं मिला ।।
हेमराज हंस 9575287490
सदस्यता लें
टिप्पणियाँ (Atom)
-
बघेली दारू बन्द बिहार मा लागू कड़क अदेश। भर धांधर जो पिअय खै आबा मध्य प्रदेश। । आबा मध्य प्रदेश हियां ता खुली ही हउली। पानी कै ही ...
-
राम जू कै सजी हिबै राजधानी। मारै हिलोर सरजू का पानी। । छूटि गा इतिहासन का करखा। या सुभ सुदिन का तरसिगें पुरखा। । राम जी के...
