हमारे जिला मैहर की प्रथम जिलाधीश 05.10.2023 RANI VATAD

हमारे जिला मैहर की प्रथम जिलाधीश  RANI VATD DATE 05.10.2023 मैहर की पहली कलेक्टर रानी बाटड़ आईएएस

रानी बाटड जी बनी, मइहर कै जिलाधीश। 

जय हो माई शारदा, खासा द्या असीस ।। 

खासा द्या असीस करय खुब जिला तरक्की। 

जनता निधड़क करै बात कर्तब्य औ हक की। । 

मइहर बनय नजीर देस मा गूंजय बानी। 

स्वागत बंदन अभिनन्दन है बाटड रानी। । 

हेमराज हंस मइहर   

 

bagheli ka samman

 

श्रद्धा औ संगीत का,

 श्रद्धा औ संगीत का, सपना भा साकार।
नल तरङ्ग संतूर संग, बाजैं लाग सितार।।
हेमराज हंस  

मइहर घोसित भा जिला,

 मइहर  घोसित  भा जिला, जनता करै उराव।
पांच सितंबर लिख दइस, स्वर्णाक्षर मा नाव।।
गदगद मइहर धाम है, पूर भा  मन कै टेक ।
मेघा बरखें  झूम के  दइव करै अभिषेक। ।   
हेमराज हंस

चन्द्रयान अभियान

 भारत का जब सफल भा,चन्द्रयान अभियान।

पूर बिश्व बोलैं लगा, जय भारत प्रज्ञान।।

भारत का रुतबा बढ़ा, वा पल है अनमोल।

गदगद भारत बंस है, बंदेमातरम बोल।।

भारत का गउरव बढ़ा

 भारत का गउरव बढ़ा, बढ़ा तिरंगा मान।

अभिनंदन दुनिया करै, जय खगोल बिज्ञान।।

 ऊपर दउअय रूठि गा, अउ नीचे दरबार।

धरतीपूत किसान कै, को अब सुनय गोहर।।

लल्ला का जन्म दिन २७ जून

जाति बाद के मथरे परंगत नहीं परै।

 जाति  बाद के मथरे  परंगत नहीं परै। 

राबन के बहकाये  मा अंगद नहीं परै।। 

चाह  जउन  जात  केर होय  धन्नासेठ 

पै गरीब के साथ वाखर पंगत नहीं परै।।

हेमराज हंस  

सब दिनहुं पेड़ माही पत्ता नहीं रहै।

सब दिनहुं पेड़ माही पत्ता नहीं रहै। 

बसंत केर सब दिना सत्ता नहीं रहै।। 

 

कोउ दिन मा चार बेर ओन्हा बदला थै 

काहू  के  देह  माही  लत्ता  नहीं  रहै। । 

 

तास  के  खेलइया  हारा  थें  जीता थें

हर चाली माही टम्प का पत्ता नहीं रहै। । 

 

चेरउरी कइ के आपन सम्मान करामैं

सब कोउ उनखे नाई  ललत्ता नहीं रहै। ।