bagheliगाँघी जी का बोकरा बेंच डारिन बकरीद मा।।

बघेली 
उई बड़े  अहिंसावादी हें पै रहा थें नींद मा। 
गाँघी जी  का बोकरा बेंच डारिन बकरीद मा।। 
 हम उनखे हिआव का प्रनाम करी थे   
अश्व शक्ति ह्यारा थें घोड़बा के लीद मा। । 
हेमराज हंस ===मैहर 

bagheli kavita पूँजी पति अस प्रेम है वामपंथ कस ढंग।

बघेली 
पूँजी पति अस प्रेम है वामपंथ कस ढंग। 
फागुन मा कइसा पटै गोरी तोरे संग।। 

जेही सब मानत रहें सबसे ज्यादा सुध। 

ओखे डब्बा मा मिला सबसे पंछर दूध।। 

bagheli poem अपना हयन गुलाब अस हम कनेर के फूल।

बघेली 
अपना हयन गुलाब अस हम कनेर के फूल। 
अइसा मउसम मा भला कासे न होइ भूल। । 
हेमराज हंस   

तउ माल्या के साथ करन्सी चली गै। । हेमराज हंस =9575287490

बघेली 
हथौड़ा चला गा  संसी चली गै। 
मछरी के लोभ मा बंशी चली गै। । 
चौकीदार जागत रहें रात भर 
तउ माल्या के साथ करन्सी चली गै। । 
हेमराज हंस =9575287490 

एक ता रांका परा है दुअरा ठाढ़ अकाल।

एक ता रांका परा है दुअरा ठाढ़ अकाल। 
रही सही पूरी करिस य मौसम कै मार।। 
हेमराज हंस  

bagheli poemझंडी सत्ता पक्ष कै या कि लिखा ल्या 'प्रेस '

बघेली 
झंडी सत्ता पक्ष कै या कि लिखा ल्या 'प्रेस '
निधड़क होइ के पुन चला लगी न कउनव केस.
हेमराज हंस 

bagheli kavitaउई महतारी कै गारी देथें पइदा भे हें खीर से ?

बघेली 
उई महतारी कै गारी देथें पइदा भे  हें खीर से ?
या कि मकरध्वज अस महावीर से। । 
मान्यन कि काँटा गूल दइस दुष्ट वा रहा 
ता का अपना नफरत करब सगले अहीर। । 
हेमराज हंस --9575287490  

bagheli kavita देस द्रोही कै रक्षा दरोगा करा थें। ।

बघेली 
जे खाय के पतरी मा भोंगा करा थें। 
उई ओहिन का खासा तरोगा करा थें।। 
कइसा   बिडंबना   ही मोरे  देस कै ,
देस द्रोही कै रक्षा दरोगा करा थें। । 
हेमराज हंस --9575287490    

बघेली मुक्तक
भले अपने देस मा प्रदूषण खूब हें। 
समाज मा बिराध औ बिदूषक खूब हें। । 
पै जब तक छत्रसाल अस करेजा बाले हें 
तब तक समाज मा भूषन खूब हें। । 
हेमराज हंस ===9575287490

उई बड़े पइसा बाले हें उनसे नमस्ते करा। BAGHELI KAVITA

बघेली
उई बड़े पइसा बाले हें उनसे नमस्ते करा। 
मुँह ओरमाय के नही  हँसते हँसते करा। । 
बड़े  दरगदानी  हें  भले  टेक्स    चोर हैं 
उनखे पंडाल कै चर्चा रस्ते रस्ते करा। । 
हेमराज हंस -9575287490